தமிழ், தெலுங்கு, இந்தி, மலையாளம், ஒரியா, மராத்தி... என இந்தியாவின் எட்டுத் திசைகளிலிருந்தும் பட்டையைக் கிளப்பும் படங்கள் வெளிவந்து சக்கைப்போடு போடுகின்ற காலம் இது.

அந்த வகையில் புது வரவு ‘Jaoon Kahan Bata Ae Dil’ என்ற இந்திப் படம்.சமீபத்தில் மும்பை திரைப்பட விழாவில் திரையிடப்பட்டு பெரும் சர்ச்சையைக் கிளப்பி பாராட்டுகளையும் குவித்திருக்கிறது இப்படம். ‘Love fucked’ என்ற இதன் ஆங்கிலத் தலைப்பே படம் எப்படிப்பட்டது என்பதை அப்பட்டமாகச் சொல்கிறது.

இயக்குனர் ஆகவேண்டும் என்ற லட்சியக் கனவுகளுடன் ஃபிலிம் இன்ஸ்டிடியூட்டில் சேர்ந்து படிப்பார்கள்.

ஆனால், ஆதிஷோ குறும்படம் இயக்குவதற்காக ஃபிலிம் இன்ஸ்டிடியூட்டிலிருந்து படிப்பை பாதியில் நிறுத்திவிட்டு வெளியேறியவர். ‘Kaul (2016) என்ற மராத்திப் படத்தை இயக்கியதன் மூலமாக இந்தியாவின் முக்கிய இண்டிபெண்டன்ட் ஃபிலிம் மேக்கராக கொண்டாடப்படுகிற ஆதிஷின் வயது 31.