அடுத்த ஆபீஸில் உட்கார்ந்திருக்கும் ரெய்சாவைப் பக்கத்து ஆபீஸிலிருந்து ரூட் விடும் கில்லாடிப் பையன் ஹரிஷ் கல்யாண். அந்தப் பெண்ணின் சிக்னல் கிடைக்காமல் தடுமாறித் தவிக்கிறார். நண்பர்கள், டெய்லர் அண்ணன் என ஆளுக்கு ஆள் டிப்ஸ் கொடுத்தும் முன்னேற்றம் இல்லை.

அடிக்கடி தலைகோதி, சைடு பார்வையில் நூல்விட்டு ஒவ்வொரு செய்கைக்கும் ரியாக்‌ஷன் எதிர்பார்க்கும் விடலைப் பையனாக ரொம்ப க்யூட். நம்பிக்கையான எதிர்காலம் இருக்கு நண்பா! ரெய்சா பெரிய பரீட்சையில் தேறியிருக்கிறார். காதலை விளையாட்டாக ஆரம்பித்து, வேகமாக காதலனோடு ஐக்கியமாவது ப்யூட்டி.

ஹரிஷைக் கலாய்ப்பது, ‘எல்லாம் நடத்திட்டு, விட்டுட்டுப் போயிடுவியா...’ என எகிறுவது, கடைசியில் தன்னைவிட்டு ஹரிஷ் போய் விடுவானோ என்று திகைப்பது - என அசத்தல் ரெய்சா! யாருமில்லாத வீட்டில் ரொமான்ஸுக்கு தயாராகும் இயல்பிலும், பார்ட்டியில் ஹரிஷை லெப்ட் ரைட்டில் வெளுப்பதுமாக நடிப்பும் கச்சிதம்! ஹரிஷுக்கு அவர் தரும் எண்ணிக்கையில் வராத அழுத்தத்

ஆஹா! அப்பாவாக செம ஃபிட் ஆனந்த்பாபு. நடிப்பு கொஞ்சம் ஜீன் வழியாகவும் வரும் என்பதற்கு எடுத்துக்காட்டு. சென்னையை விட்டு வெளியேறுகிற நிமிடங்களில் அமைதியும், ஆற்றாமையும், தீரா துக்கத்திலும் அவர் பேசுவது அண்டர்ப்ளே! முனீஸ்காந்த் நேர்த்தி. தீப்ஸ் கச்சிதம்.