சக்தி வாய்ந்த இறைவியான துர்காதேவியின் ஒன்பது வடிவங்களில் மூன்றாவது  ஆற்றல் மிக வடிவமாய்த்தகழ்ந்து சங்கடங்கள் தீர்க்கும் வல்லமை கொண்ட  ‘சந்திர கண்டா தேவி’யின் மகத்துவங்களை விவரித்த கட்டுரையும்  வண்ணப்படங்களும் சிலிர்ப்பு கலந்த பரவசத்தில் ஆழ்த்திவிட்டன. 

மேலும், ஸ்ரீ  அக்ஷாப்ய தீர்த்தர் என்ற மகான் பற்றிய மகத்துவங்களை அற்புதமாக விவரித்த ரெங்கராஜன் அவர்களின் கட்டுரையைப் படித்தபோது மகோன்னத மகான்கள்  வாழ்ந்திருப்பதை உணர்ந்து மனம் உவகை அடைந்தது.

‘அட்சய பாத்திரமாய் அருளும் அக்ஷேப்ய தீர்த்தர்’ என்னும் கட்டுரை கண்டேன். அவரின்  விளக்கங்கள் அருமையாக இருந்தன. அவருக்கு தனி மடம், இரண்டு முறை  பிருந்தாவனம் மற்றும் அந்த இடத்திற்கு எப்படி செல்ல வேண்டும் என்பதை  துல்லியமாக கூறியது அருமை! மேலும், ‘எது என்னுடைய ஆன்மிகம்’ என்னும் தலையங்கம் கண்டேன். 

அதாவது இது வேலி என்று புரிந்துக்கொண்டால் ஆன்மிகம் என்கிற தெளிவு தானாக வந்துவிடும் என்ற கருத்து மிக அருமை. அதுமட்டுமா.. ‘‘ஏழாமவன்’’ என்னும் கட்டுரையில் விபிஷணன் பற்றி அழகாக கூறியது, படுஜோர். இப்படி துல்லியதாக யாரும் கூறியது  இல்லை.