பிரசாதங்கள்

* தில்லி காட்டியா மிக்சர்

என்னென்ன தேவை?

கடலை மாவு - 1½ கப்,
கையில் கசக்கிய ஓமம், கரகரப்பாக பொடித்த மிளகு - தலா 1/4 டீஸ்பூன்,
சமையல் சோடா - 1 சிட்டிகை,
பெருங்காயத்தூள் - 1/4 டீஸ்பூன்,
எண்ணெய் - 1 டேபிள்ஸ்பூன்,
உப்பு, எண்ணெய் - தேவைக்கு,
கறிவேப்பிலை - சிறிது,
வேர்கடலை - 1/4 கப்.

எப்படிச் செய்வது?

கடலை மாவை நன்றாக சலித்து அதனுடன் 1 டேபிள்ஸ்பூன் எண்ணெய் கலந்து, பொரிக்க எண்ணெயை தவிர மற்ற பொருட்கள்  அனைத்தையும் கலந்து தேவையான அளவு சுடுதண்ணீர் ஊற்றி ரொட்டி மாவு பதத்திற்கு பிசைந்து 5 நிமிடம் வைக்கவும். மீண்டும்  பிசைந்து பெரிய கண் உள்ள அச்சில் போட்டு எண்ணெயை சூடாக்கி மிதமான தீயில் வைத்து மாவை பிழிந்து நன்றாக வேகவிட்டு எடுத்து  எண்ணெயை வடித்து பரிமாறவும்.

குறிப்பு: வேர்கடலை, கறிவேப்பிலை, ஜவ்வரிசியை பொரித்தும் சேர்க்கலாம்.

* கிரிஸ்பி மட்ரி

என்னென்ன தேவை?

மைதா - 2 கப்,
நெய் - 1/4 கப்,
பொடித்த ரவை - 1/2 கப்,
ஓமம் - 1/2 டீஸ்பூன்,
கருஞ்சீரகம், கரகரப்பாக உடைத்த மிளகு - 1/4 டீஸ்பூன்,
உப்பு, பொரிக்க எண்ணெய் - தேவைக்கு.

எப்படிச் செய்வது?

மைதா, ரவை, உப்பு, கருஞ்சீரகம், மிளகு, ஓமம் கலந்து நெய்யை சூடு செய்து லேசாக உருக்கி சேர்த்து தேவையான அளவு தண்ணீர்  தெளித்து பூரி மாவு பதத்திற்கு கெட்டியாக பிசைந்து 20 நிமிடம் மூடி வைக்கவும். பின்பு மாவை எடுத்து மீண்டும் பிசைந்து 4 பாக  உருண்டைகளாக பிரித்து உருட்டி, அரை இன்ச் கனத்திற்கு ரொட்டிகளாக சமமாக தேய்த்து சதுர துண்டுகளாக வெட்டி எண்ணெயை சூடாக்கி  மிதமான தீயில் வைத்து மட்ரிகளை போட்டு பொன்னிறமாக பொரித்தெடுத்து எண்ணெயை வடித்து பரிமாறவும்.

குறிப்பு: மைதாவிற்கு பதில் கோதுமை மாவு சேர்க்கலாம்.

* உருளைக் கிழங்கு சீஸ் சேவ்

என்னென்ன தேவை?

வேகவைத்து தோலுரித்து மசித்த உருளைக்கிழங்கு - 1,
சளித்த கடலை மாவு, அரிசி மாவு - தலா 1 கப்,
கையில் கசக்கிய ஓமம் - 2 டீஸ்பூன்,
வெண்ணெய் - 2 டேபிள்ஸ்பூன்,
சீரகம் - 1/4 டீஸ்பூன்,
மிளகாய்த்தூள் - 1/2 டீஸ்பூன்,
 சதுர துண்டு சீஸ் - 1 (துருவவும்,)
உப்பு, எண்ணெய் - தேவைக்கு.

எப்படிச் செய்வது?

பாத்திரத்தில் பொரிக்க எண்ணெயை தவிர மற்ற பொருட்கள் அனைத்தையும் சேர்த்து கட்டியில்லாமல் ஓமப்பொடி பதத்திற்கு கெட்டியாக  பிசையவும். தேவையானால் சிறிது தண்ணீர் தெளித்து பிசையலாம். எண்ணெயை சூடாக்கி மிதமான தீயில் வைத்து பிசைந்த மாவை  ஓமப்பொடி அச்சில் போட்டு பிழியவும். சேவ் வெந்ததும் எடுத்து எண்ணெயை வடித்து பரிமாறவும்.

* பீட்ரூட் பாதாம் அல்வா

என்னென்ன தேவை?